.

Dolianova fiat unu logu de vida; terras e pàsturas bonas, àcuas ligendàrias e bonas, de siguru iant atirau cussas cumunidadis chi po primas si fiant stabilias in Sardinna comenti testimongiant is monumentus de su 3400 innantis de Cristu.

Primas de s’archeologia romana teneus nuraxis, villagius nuràgicus e tumbas de Gigantis, e logus sacrus comenti sa tumba megalítica de Crésia Magrada e su nuraxi de sa Domu de s’Orcu, ùnicus po su manniori e sa forma insoru.
Is monumentus chi nci funt in su sartu de Dolianova testimongiant sa vitalidadi manna de is partiollesus antigus comenti ammostat sa bellesa de sa crésia de Santu Pantaleu.